Богослужебный календарь

суббота, 17 октября 2026 г.

• Память

  Священномученику Тихону и исповеднице Хионии Архангельским

  Днесь радостно ликует земля Липецкая,/ прославляющи новыя мученики своя,/ Тихона священнаго с супружницею Хиониею,/ крест свой с любовию подъемшия/ и за имя Христово пострадавшия./ Тех молитвами, Долготерпеливе Господи,// мир подаждь нам и спаси нас.

• Память

  Преподобному Павлу Препростому

  В тебе́, о́тче, изве́стно спасе́ся, е́же по о́бразу:/ прии́м бо Крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бне Па́вле, дух твой.

• Память

  Благоверному князю Владимиру Ярославовичу Новгородскому

  Измла́да яви́лся еси́, Богому́дре кня́же Влади́мире,/ Боже́ственный сосу́д избра́н Бо́гови,/ благоче́стием воспита́н, ве́ру непоро́чну соблю́л/ и, храм пречу́ден Прему́дрости Бо́жия/ в Вели́ком Новегра́де сем устро́ив,/ те́ло Твое́ в Нем предложи́л еси́,/ и ны́не, на Небесе́х предстоя́ Престо́лу Святы́я Тро́ицы,// моли́ся низпосла́ти и нам ве́лию и бога́тую ми́лость.

• Память

  Собору Казанских святых

  Днесь све́тло красу́ется земля́ Каза́нская,/ в ней бо па́мять собо́ра святы́х ея́ соверша́ется/ и Це́рковь псалмы́ и пе́сньми духо́вными украша́ется,/ прославля́ющи святи́тели и благове́стники своя́,/ му́ченики, испове́дники и чудотво́рцы,/ преподо́бныя му́жи и жены́,/ пра́ведныя и вся святы́я,/ и́же ку́пно с Богоро́дицею Престо́лу Бо́жию предстоя́т// и мо́лятся спасти́ся лю́дем страны́ на́шея.

• Память

  Святителю Варсонофию, епископу Тверскому

  Воздержа́нием те́ло ду́ху порабо́тив,/ ду́шу же равноа́нгельну сотвори́л еси́,/ сего́ ра́ди святи́тельства са́ном поче́тся,/ чи́сте Чисте́йшему предстои́ши./ Моли́ Христа́ Бо́га, святи́телю,/ спасти́ лю́ди твоя́, свя́те,/ да вси вопие́м ти:/ ра́дуйся, о́тче преподо́бне Варсоно́фие,// гра́ду на́шему Каза́ни похвала́ и утвержде́ние.

• Память

  Святителю Гурию, архиепископу Казанскому

  Чу́вственныя стра́сти победи́в, чистото́ю, я́ко со́лнце, возсия́л еси́,/ чи́сто житие́ до конца́ сохрани́в,/ и от неве́рия в ве́ру мно́гих ко Христу́ приве́л еси́;/ того́ ра́ди от Бо́га нетле́нием почте́н, чудесы́ твои́ми вся удиви́л еси́./ Мо́лим у́бо тя, святи́телю Гу́рие,/ моли́твами твои́ми от бед изба́ви нас, да зове́м ти:/ ра́дуйся, о́тче преди́вный,// гра́ду Каза́ни похвала́ и утвержде́ние.

• Память

  Святителям Гуpию и Ваpсонофию, Казанским чудотворцам

  Пе́рвии учи́телие пре́жде те́мному,/ ны́не же све́тлому и новопросвеще́нному гра́ду Каза́ни,/ пе́рвии возсвети́телие пути́ спаси́тельнаго,/ и́стиннии храни́телие апо́стольских преда́ний,/ столпи́ непоколеби́мии, благоче́стия учи́телие/ и Правосла́вия наста́вницы, Гу́рие и Варсоно́фие,/ Влады́ку все́х моли́те// мир вселе́нней дарова́ти и душа́м на́шим ве́лию ми́лость.

• Память

  Священномученику Иерофею, епископу Афинскому

  Бла́гости научи́вся и трезвя́ся во всех/ благо́ю со́вестию священноле́пно обо́лкся,/ поче́рпл еси́ от сосу́да избра́ннаго неизрече́нная/ и, ве́ру соблю́д, ра́вное тече́ние соверши́л еси́,/ священному́чениче Иерофе́е.// Моли́ Христа́ Бо́га спасти́ся душа́м на́шим.